曼聯遇強愈強唔赦「刺」客

2019-12-04 10:31:47 来源:网络

雖然未到聖誕,但英超本周中已加開快車,戲碼亦唔曳。最矚目梗係3連勝嘅熱刺作客曼聯,呢場可以話恩怨情仇乜都齊,仲複雜過《書劍恩仇錄》,皆因熱刺新帥摩連奴倒戈戰重返奧脫福,必定想贏波爭番啖氣,但「紅魔」眾將亦唔服佢,唔想畀「寸王」攞彩,鬥心唔使懷疑。而且曼聯今季遇強愈強,季初喺主場贏過車路士4比0,之後又和過利物浦1比1,終止死敵聯賽連勝走勢,絕對唔係冇得打。

李斯特城專攻聯賽有優勢
至於另一大戰「1哥」利物浦主場鬥愛華頓,呢類同市死敵硬碰都不能單睇近況,正所謂打吡戰戰意行先,而且愛華頓主帥馬高施華正處於水深火熱,誓必搏翻身。今晚唯一畀我最有信心嗰場,係李斯特城主場對屈福特。「狐狸」嘅泰國班主搞波、馬都掂,連著名騎師蘇兆輝亦加盟佢哋旗下嘅賽馬團隊,喺聯賽6連勝後畀到利物浦最大壓力,加上「李城」專攻聯賽,對住包尾大幡屈福特,贏波毫無難度。

金句:英超惡鬥難免今晚夜,穩勝唯一李斯特城!

188bet官网