默郡打吡利物浦強細嗒糖

2019-12-04 10:29:51 来源:网络

英超「1哥」利物浦今晚主場同愛華頓合演默西賽德郡打吡。「拖肥糖」愛華頓近年打吡戰分外醒神,近4次聯賽交手3和1負,所輸一場係上季作客晏菲路,門將比克福特補時犯錯先畀奧歷治奠勝;利物浦12月要面臨魔鬼賽程,平均每隔3日就有比賽,為免消耗多餘體力,落場球員須更懂得留放,而且艾利臣比加要坐波監,防中法賓奴泰華利斯繼續缺陣,防線或受影響,既然對上4次聯賽「默郡打吡」都開2球或以下,一於捧2.5球細盤。

(Now 621及611周四凌晨4時15分直播)

足總盃第3圈又碰頭
另外英格蘭足總盃昨晨進行第3圈抽籤,利物浦及愛華頓會再喺晏菲路交鋒,兩軍上次喺英足盃碰頭係上年1月,當時首為「紅軍」上陣嘅華基爾雲迪積克入波帶領球隊贏2比1;另一矚目戲碼係曼聯作客狼隊,狼隊自上季重返英超後4鬥曼聯不敗,包括上屆英足盃8強贏2比1;阿仙奴則於主場迎戰英冠升班熱門列斯聯,衞冕嘅曼城最好籤,主場鬥英乙仔維爾港。

188bet官网